حوزہ نیوز ایجنسی کی رپورٹ کے مطابق،آیت اللہ حسین مظاہری نے شہر اصفہان میں اپنے درس اخلاق میں معاشرے میں فراموش کر دی جانے والی ایک اور فضیلت کو بیان کرتے ہوئے کہا: فضیلت "وفا" ایسی فضیلت ہے کہ جسے فارسی میں "نمک شناسی" کہا جاتا ہے۔
انہوں نے کہا: عام طور پر بے وفائی سخت حالات اور امتحان کے موقع پر ظاہر ہوتی ہے۔ خدا نہ کرے کہ کوئی امتحان میں فیل ہو جائے یا اچھے نمبر نہ لائے۔
انہوں نے کہا: "وفا" کے مسئلہ میں زیادہ تر انسان فیل ہو جاتے ہیں اور بہت کم لوگ اس امتحان میں سرخرو ہوتے ہیں۔
انہوں نے آخر میں کہا: ایک مرجع تقلید ۷۰ سال تک خون دل کے ساتھ اسلام کی خدمت کرتا ہے۔ تو اب آپ خدانخواستہ نہ صرف یہ کہ اس کی توضیح المسائل پر عمل نہ کریں بلکہ اس کی غیبت بھی کریں اور اس پر تہمت بھی لگائیں تو یہ سب کچھ بھی "بے وفائی" ہے۔
